第一天到步

 第一天會遇到甚麼問題呢?

我本身樂觀派, 並沒有準備很多東西, 一心想到後再定, 而且直接去租屋處住, (有朋友先住幾天酒店, 方便準備家檔).

我們早機到, 不過其實一時三刻很難買齊所有應用品, 很多東西很需要準備, 檢討如下

預早租車(能駕的話), 我們收左租既單位後, 拜托業主車我們去取車, 為了添置所需用品, 我租了一星期 (三百多鎊), 車很新導航亦很好, 可以乘機試車, 非常滿意.

預早準備電話卡, 老公一早準備好, 機場巳換埋卡, 一出黎就可以聯絡接送及業主.

預早申請既銀行亦非常重要, 銀行所發既debit card可以處理所有付款, 非常好用.

業主還幫忙取了英國車牌的申請表, 我可以立即寄交 (但太忙, 結果我第二天才寄), 早申請早有車牌呀~

英國樓租一般不連傢俬, 所以第一站就去了宜家. 一心想甚麼都買新的, 而其實買不了也顧不了許多, 雖然行李有限, 但下列物品是很值得跟身帶來的, 不討論價值, 這些東西可解決燃眉之急, 一時三刻又末必買到心水, 而急要挨貴貨, 所以, 準備左會安心:

一個煲或平底鑊, (宜家買)

幾套應用餐具, (宜家買)

洗浴用品及毛巾, 

一星期應用衣物, 都包四季啦~

簡單護膚品, 超乾燥, 雖然這裡易買, 但末必就手. (過了幾天才在BOOTS買, 挨了幾天冇用)

牙膏牙刷嗽口盅

充氣床及厚被鋪, (好彩有帶)

頭幾餐(一丁或杯麵),

糖油鹽醬料豉油 (後幾餐)  (冇準備, 想用一又冇咁快買到~)

少量現金 (幸好母親大人幫忙準備), 可以在機場唱錢取手推車. 

少量COVID套裝及藥 (預隨時中~)

我們大部份都有帶, 充氣床是臨時朋友送的(幸好), 否則, 一天的時間, 又顧得了多少呢?

另外也帶了洗衣神器 (小電動摩打~)及洗衣粉 及小及塵機, 應用頭幾天末有洗衣機時, 不必對臭衣服.

第一天晚上, 老公用宜家買的肉丸弄了一丁, 總算應付了食和訓

基本東西齊, 就不會太大壓力, 容易應付要添置的東西.

第二天繼續~

清屋交吉

 清屋極其恐怖

以前有位很好的家傭姐姐, 專業收納, 很多東西, 除了買回來時見過一面, 到今日清屋才見到...

收在洗手間地櫃暗處, 跟水管平放的行山杖...

放在姐姐房內的紙盒, 排在電爐底的信件...

櫃頂排在綿被後的吸塵機...

都是自己不好, 平日沒好好看管, 臨飛前一星期, 清屋基本上不可能...

要交吉的話, 建議預一個月時間...

我們還好, 可以把東西移去我娘家, 有些人, 若不掉, 應該要租個倉去儲存了...

其實, 東西不要就掉, 要就寄, 不應留戀

不過現在一次過如此大量的訊息, 實在非常累人~

阿女一早巳交了在娘家, 無心力理會

在家裡沒天沒地拆家俬及收拾, 

由於床巳拆, 所以起飛前三天都在娘家住

其實應該早點動手, 要預期在外面住一星期, 那會更專心處理

一個月前就應該要積極安排, 其實我開始收拾時巳經覺得不對勁, 也沒有好好幫老公規劃

由於最後一天實在處理不了, 爛攤子要交親人, 實在不好意思. 

有許多原本有用的東西, 也無法安排, 只能倉卒掉去垃圾房

而且, 許多想留想帶的物件, 因為時間太趕, 沒有處理, 只能被掉棄, 可惜, 但也無奈.

所以早點開始拆東西, 早點開始理解自己的限制, 就不會那麼甩轆

平郵寄家檔

 一個月前成功賣樓, 然後開始收拾, 早前在網上巳租了屋, 所以巳經可以把要用的東西入大紙箱, 透過香港郵政平郵去新居所, 不過由於TOR遲遲末批, 頭5箱寄出都是沒有編號的, 希望不會被打稅...

我買左10個 70X50X50 CM 大紙箱, 預計30 KG一箱, 用盡平郵既規格,  港幣1048 一箱, 以為可以自行折細適當地裝箱

檢討:

早一個月申請TOR~

如果紙盒折細, 一方面手功麻煩, 另一方面個盒會冇咁扎實, 所以結果全部以原裝大小包裝

大紙箱太大, 基本上很難填滿, 要用填充物料, 難拎又重, 建議 50X50X50 就夠, 買相對收縮袋用

估唔到唔夠收縮膜同封箱膠紙, 相對10箱, 最少2卷膜10卷膠紙, 5KG防潮珠.

我想補寄多啲即食麵同被~ 第日收到會開心啲~

部份物件我用毛巾包, 反正要用毛巾, 可以減少包裝物料係好既.

估計三個月才到, 到時再回報返情況~

買機票要計數, 計埋行李FINNAIR最著數

VISA二月廿七日批左, 我地又悠閒左陣, 但都係時候要買定機票啦~ 

末坐過芬航, 亦冇抽佣, 不過大遷徙需要計好數, 暫時計落芬航都真係好抵, 值得推介.

買機票都好似平日去旅行咁, 睇下邊間平就揀邊間. 我地對係咪直航就冇咩要求, 諗到末來一年末必有收入, 最好都係平平地慳住黎使.

芬航六月機係二千幾, 比我想像中平, 仲發現附加行李只係六百幾港幣一件 (70Euro per 23kg = 630HKD), 仲平過香港郵政平郵 (348+20per additional KG = 788HKD per 23kg), 又唔使等幾月或者要準備運輸文件, 梗係加埋行李齊上機啦~  

講開行李, 都要講講心得, 芬航特大尺寸( 長闊高加埋>158CM) 費用唔同, 上機前最好計清楚度好晒, 臨時畀人加錢就唔好啦~ 

香港郵政亦可以作後補, 臨行仲有野想寄埋都唔驚.

22/3買左機票, 開始安排辭職同各種細碎, 亦加緊同朋友對出發的各項更新.

我多年朋友鹿鹿將會比我們早一個月會到英國, 佢係五月芬航, 不過被改幾次行程, 近日仲因為俄領空問題被取消埋......  吓? 咁我地咪凍過水?

即刻去官網睇睇係咪冇機, 幾經考究, 其實芬航都仲係有機去曼城既, 不過係減左好多班次, 亦有可能由一程變左轉兩程機, 亦可能加錢. 如果真係被改班次, 為左啲行李費, 我地都要硬食既, 所以, 暫時計劃都冇變.

連機票都有, 我地既計劃又進一步啦~

離岸戶口

 

由於在HSBC有戶口, 順利成章都是在HSBC開英國戶口, 過程竟然不太順利~

我們現在開戶, 在網上按幾個鍵, 等幾個月便會收到welcome pack, 我朋友跟據指示打電話上去, 答一輪問題就可以了, 我嘛......

第一次打上去, 由於電話收音很差, 印巴式的語音聽得很辛苦, 加上有其他急事處理, 只能半途擱置了。

第二次打上去, 巳用了較好的耳機, 要在英國辦工時間再打~

第三次吧, 對方發音比第一次更難聽, 加上對銀行的用字不清楚, 他說我答錯幾次問題, 要我到分行去確認身份再才打過去。

我英語有那麼差嗎? 也不想分辯, 趁著放假, 連忙立即跑去分行辦理, 詢問處的姐姐卻回答說, 這項服務需預約, 需時約一小時, 分行巳排到一月, 叫我找負責的經理安排.

這樣嗎, 我只好自行再打上去碰運氣吧~ 也許撞上個說話清析的, 好辦點呢~~~

第四次打上去, 遇上個沒甚麼口音的員工, 清楚地告訴我, 需要上分行證明身份.

認命之下, 終於打給戶口經理, 他很快烚我安排了時間, 剛好星期一清假, 便到分行辦理.

在分行進行也有好處, 有人幫助會實在得多, 只是簡單對一下資料便給我設訂密碼, 然後職員幫我開網上戶口及手機戶口, 有好多組密碼要記, 分行巳準備好紙筆給我記下, 差不多也要一個小時才完成.

之前有朋友問過是否有存款要求, 我順便問一下, 原來每月都要存入GBP1750以保持戶口運作, 入款以後可以即時取用, 不過, 每月入款仍需要進行.

 

保險的準備

 

整理財務其實是移民重要的一環, 由於保險及基金等都是要月供的, 在自己無法在港的時候, 這種支出需要減到最低, 以作退休準備的儲蓄也有機會變成徵稅項目, 有必要重新審視。

當我在網上處理時, 才發現其實沒有取消這一項目的, 必須向agent 查詢, 再一次覺得, 財務都是自己處理較放在別人處好。

經我多番追問及扣起供款, 終於逼到agent 回覆較確實的情況。原本想取消及取出一份供款, agent 建議我paid up, 使它繼續以自己滾存的形式生效而我又不用再供款, 這個選項可以考慮一下. 

agent強調保障是全球的, 不必擔心國家的問題, 當然每人都有其他考慮, 在個人的整體考慮上, 需要及想要更應該分清楚, 不應該因別人的期望而止 。

IB轉英鎊初體驗

爬文所認識, 轉英鎊用IB (interactive brokers)較抵。

關於IB, 兩年前想投資找被動收入的時候, 朋友巳經向我推介過, 只是, 當時覺得要保持五十萬港元在一個投資戶口, 又要留意每月手續費, 對於投資無認識的我就覺得很不安穩，難以開始。現在, IB巳經免了這些費用, 作為一個兌換工具, 我終於認認真真開個戶口, 辦理轉英鎊的事宜。如果順利, 當然也可以試試它的投資服務, 總之, 先要熟悉這個軟件操作。

開戶很簡單, 巳經有很多網上教學, 逐步跟來開及在辦工時間上辦工室簽名即可, 不過很多小節並不如想像中順利, 如果需要用IB, 最好不要在急用錢時才試用, 有幾點初用者的分享,

1. 介紹人有回贈, 所以, 自己開完記得叫親友用你的連結去開, 有回贈啊, 我忘了給丈夫連結, 蝕了啊~

2.  只有自己戶口收入及支出是免手續費, 我理解為一人要一戶口~ 不過, IB可以聯名, 聽聞可以分別以個人戶口連結, 我還是後期來留意到的, 所以沒有詳細看過。  

3. 從銀行戶口轉錢入IB, 在 REMARK要寫上戶口號碼 (U NO.)。備注無法在轉錢前預設, 我試過忘了寫這個編號, 便要過幾天才在IB看到該筆款項。所以, 如果急著用錢, 最好早點試用, 以免像我一樣遇上各種問題。

4. 一般銀行都設定了過數限額, 我們需要較大額的過數, 需要留意更改自己銀行的限額設訂。

5. 從IB過外幣入銀行, 每個日曆月免一次手續費, 但聽到可能有中介的額外收費, 這點要試過才確知.

6. 在IB開戶後, 曾經到辦公室簽名, 以為可以轉到各種外幣, 但我找來找去, 還是沒有港幣及美金以外的貨幣選擇~  經過電郵查詢, IB 過兩天回覆我巳能提取, 並沒有其他解釋~ 嗯~ 我都只求做到提取, 也不深究原因了~

7. 從IB提取, 需要入SWIFT CODE, 即時SEARCH, 就找到HSBCHKHHKH, 而 CORRESPONDENT BANK 則會自動找到, 下圖只是別人美金的例子, 參考圖樣而巳.

8. 第一次轉款到自己香港外幣戶口, 晚上用電腦進行, 第二日巳收到, 重點提醒仍然是早點嘗試操作, 在進行大資金轉移時先作小額預演。

9.有朋友提到, IB不是傳統銀行, 即使我只是用來轉換外幣, 仍有機會被英國當作"黑錢", 影嚮買樓。這點我仍然了解不足, 需要再查資料。

 

另外, 找了些關於用IB投資的資料作參考:

轉用 Interactive Brokers (IB) 的感想 

https://szeyuyin.blogspot.com/2020/02/interactive-brokers-ib-good-bad.html

使用IB (Interactive Brokers) 的2大優點和2大缺點 (提到用摃捍的危機)

https://paulinvesthk.medium.com/%E4%BD%BF%E7%94%A8ib-interactive-brokers-%E7%9A%842%E5%A4%A7%E5%84%AA%E9%BB%9E%E5%92%8C2%E5%A4%A7%E7%BC%BA%E9%BB%9E-b82b6eba0b6c